黃宗澤呻攰：做運動驚猝死！

黃宗澤（Bosco）和黃長興等昨日於沙田馬場拍攝無綫新劇《溏心風暴3》，汪明荃更客串演香港首富前妻。黑眼圈勁深的Bosco頻頻呻攰，他表示已連續開工十多日，平均每日只瞓兩小時，故被封「黃鐵人」。他透露完成《溏3》後要拍攝邵氏網劇《飛虎極戰》，問他有否為新劇操肌？他說：「冇時間呀！依家仲做運動我驚會猝死，到時A1都上埋！」Bosco又稱於《飛》劇有更衣及洗澡戲份，未知「露肉」程度。

汪明荃靚湯呵番

談到契媽汪明荃客串，Bosco指對方曾煲湯探班。問二人是否很久沒見？他說：「一嚟就嗲啦，錫兩啖先！上一次合作都成十年前！（湯水補身？）堅呀！好開心佢嚟探班。」他又稱希望抽時間欣賞契媽的演唱會。汪明荃被問是否因心痛契仔忙拍劇，故煲湯給他補身？她笑說：「唔係，難得佢喺香港，我又得閒啲咪煲囉。」二人上次合作已是十年前的《野蠻奶奶大戰戈師奶》，問她會否想再合作？她指隨緣，目前忙於籌備演唱會。

黃宗澤甫見汪明荃即說：「錫兩啖先！」

王賢誌（左）與一眾演員玩自拍。

王賢誌再演無綫劇

黃長興透露其飲食生意將於七月在尖沙咀開分店，投資了六位數字，由於有拍檔加入，令他減少打理生意的時間，專注演藝事業。另外，《溏3》邀得十七年沒有拍無綫劇的王賢誌客串演律師，王賢誌笑指雖然做慣司儀，不過要背專有名詞的對白亦有難度。

文：影視組