護爸心切！千嬅囝囝呷樂仔醋

楊千嬅、陳逸寧及林兆霞前晚出席《春嬌救志明》「愛情寸咀放映討論會」，她們一進場即引來觀眾歡呼，氣氛熱烈。提到港澳票房收逾2,600萬港元，暫成為香港本年度最高票房華語片，千嬅表示心情雀躍，感激觀眾支持，並笑言三人會到旺角麥花臣球場開騷慶祝：「冇問題o架！導演兩年前已點佢兩個（陳逸寧及林兆霞）練《傳說》，佢哋連舞都排埋！（你會唔會着戲中護士情趣服跳唱？）嘩！我驚變鬼片！」問兒子Torres有否睇《春》片？千嬅指電影是IIB級，兒子未夠秤入場但有講過想睇，並問了不少搞笑問題：「佢問點解係樂哥哥（余文樂）拍而唔係Daddy，佢未睇已經好多嘢問，如果睇埋仲得了？我循循善誘話做戲係假嘅，佢又話假都可以搵Daddy啫！」