袁詠儀乜都管張智霖：脫離唔到靚姐魔掌！
圈中模範夫婦張智霖和袁詠儀（靚靚）昨晚拍拖出席活動，自爆再度夫妻檔拍廣告。二人在公在私都如此合拍，原因是靚靚掌管老公一切事務，甘願「妻管嚴」的張智霖亦笑稱自己逃不出「靚姐」的魔掌。
藝人張智霖（Chilam）與太太袁詠儀（靚靚）昨晚出席品牌活動，同場還有樂壇天后容祖兒、韓星李東旭、影星劉嘉玲和歌手張敬軒等。Chilam表示已很久沒有和靚靚一同出席活動，笑言兩人「出動」證明感情不變，並透露最近一起為廚具品牌拍廣告，問有否千萬酬勞？靚靚笑說：「好好嘅！最緊要產品正面，拍得我哋有型，但要我哋Sell恩愛就做唔出。」她又搞笑說不會做老公的經理人：「雖然唔做佢經理人，但佢乜都要經我手。（做經理人會唔畀老公同女性合作？）唔得！梗係同女性合作啦，唔通同男性咩！最想佢同韓星全智賢，同我最鍾意嘅宋慧喬合作。」Chilam則表示不介意老婆與男性合作，又以「靚姐」稱呼對方：「靚姐好似高層咁，我都脫離唔到佢嘅魔掌。」靚靚又指對同場的李東旭不為所動，笑言自己是另一韓星李敏鎬嘅人，不會變心，但卻被老公踢爆剛讚對方靚仔！靚靚反駁靚仔不代表合她意，Chilam即說：「證明靚姐唔係鍾意我靚仔，係鍾意我內涵。」大耍花槍！
祖兒戰鬥力大減
容祖兒則透露剛和母親由日本旅行返港，周日母親節會與媽咪飲茶，揚言每日都要慶祝母親節。問到會否陪男友劉浩龍（師兄）媽咪慶祝？她說：「冇啦，間唔時都會見吓。」對於師兄為拍戲減肥20磅，問到有否陪減？她支支吾吾說：「各有各努力，冇乜理佢，我都好忙。（你鍾意男仔肥嘟嘟？）有音樂才華就得。（你有冇陪佢食少啲？）唔知係咪年紀大咗，唔使食咁多，我以前可以一日食好多餐，依家食兩餐就夠，戰鬥力大減。」
劉嘉玲迷內地劇
此外，劉嘉玲透露近期迷上內地電視劇《人民的名義》，但表示自己未入到內地市場，要培養番味道，如果拍古裝劇則還可以。她又覺得時間寶貴，有很多事想去做，透露已少飲酒但不會戒酒。而韓星李東旭一星期前曾來港，是次再度來港，開心表示感激香港粉絲，透露希望再來港時可以靜悄悄地享受香港美食。
文：名人組