蘇志威通宵篤波冇王管

蘇志威與職業桌球運動員傅家俊，昨日為Viu TV節目《約咗傅家俊》錄影，二人即場打桌球切磋。雖然傅家俊先讓80度，但蘇志威只打出9度，共得89度，而對方打出90多度，故蘇志威落敗。事後他笑言不滿意賽果，指在鏡頭前打桌球難免有壓力，並自爆入行前常到桌球室打通宵波，但入行後已較少接觸。他透露現時的波友是張智霖和張衞健：「同張智霖都係咁上下（技術），試過分唔到勝負。（太太畀你打通宵？）嗰時係入行前，依家佢都肯放吓我，大個仔喇。」談到5月3日是他51歲生日，蘇志威透露當日與家人食飯慶祝：「冇特別禮物，大家開心就得。」