林作寸教授情敵花心樣
「十優港姐」麥明詩舊愛林作、95歲時尚Icon Iris Apfel、藝人鄺文珣、恒生新抱何倍倩等昨晚出席活動，Iris Apfel是首次來港出席活動。談到麥明詩與藝人余德丞及「全球最帥數學教授」Pietro Boselli傳緋聞，林作稱不評論余德丞，反而對數學教授相當有興趣：「教授係花心樣，唔係細水長流、一心一意。依家潮流興氹、黐、就，唔係高、富、帥，唔明白點解被欣賞？」他又指教授應該Sell學識，還隔空挑機：「不過都分好多種，如果係牛津先同我講嘢啦！（葡萄味好重！）以男仔角度睇。（你輸咗？）未贏過。」
再三懷孕的鄺文珣現懷有四個月身孕，自爆曾有小產反應，幸好沒事。問到此胎是女？她想保守秘密：「好早期已經知。（想追女？）都想，BB第一次照超聲波已趷起籮柚仔畀我睇。（今胎係意外？）可以話係意外，老公一直想追多個，今年我祈禱同神講，點知第二個月就有咗！」而何倍倩表示未有機會跟Iris Apfel聊天：「之前拍咗條短片問佢每日花幾多時間去襯衫，佢答話自己好隨心，冇話要幾耐時間，所以我覺得係佢天賦。」
