人氣組合One Direction成員Harry Styles最近忙於單飛谷新歌，但仍有時間戀上27歲倫敦美女廚師兼網絡紅人Tess Ward，唔怕出碟前激嬲一班癡心女粉絲！
桃花勁旺的23歲人氣歌手Harry Styles日前被爆又有新女友，對方是27歲美女廚神兼網絡紅人Tess Ward，毫無懸念又向姐姐埋手！據知，兩人由共同朋友「扯紅線」而認識，雖然Harry出名是花花公子，曾食盡圈中人氣靚女包括天后Taylor Swift與索模Kendall Jenner，但他今次對Tess卻異常認真，希望可以認真發展！據內幕人士說：「佢哋都鍾意怪雞時裝同美食，所以好夾，好快就擦出火花。今次真係同Harry以前戀情唔同，Harry對Tess非常着迷，唔想搞衰個關係。」
該內幕人士指Harry留在倫敦時，兩人曾經出過幾次街：「Harry仲已經向幾個好朋友介紹咗Tess，包括佢私人形象顧問Lou Teasdale。」Harry上周曾被拍得於倫敦駕車接載Tess，兩人睇落不知幾咁自在，他還在駕駛時疑違規使用手機，不怕被罰款200英鎊（約2,011港元）。
據知，Tess擁有藝術史學位，廚藝師承The Ritz與River Cottage，曾於2015年推出第一本菜譜《The Naked Diet》，並活躍於社交網站。除了煮食外，Tess亦是模特兒，曾與英國歌手Simon Le Bon女兒Amber Le Bon合作。
文：外娛組