欣宜唔益周秀娜收埋「大隻吳卓羲」

性感女神周秀娜、鄭欣宜、蔡瀚億、葛民輝和鄭丹瑞等前晚到銅鑼灣出席電影《29+1》慈善首映，該片優先場香港票房先聲奪人，累積超過143萬票房。捧場嘉賓星光熠熠，除了鄭少秋、曾志偉、王祖藍、許廷鏗外，還有神秘嘉賓容祖兒撐場。

鄭少秋搞喊愛女

欣宜爸爸鄭少秋雖然忙於綵排演唱會，但仍抽空支持愛女，欣宜甫見父親即感動得眼濕濕，她說：「我同佢講抽到時間就嚟啦，冇壓力嘅，Daddy就話一定要嚟，個女第一次做女主角喎。（驚唔驚秋官睇你咀戲？）我大人嚟，其實自己睇都尷尬。」

早前欣宜被拍得與「大隻吳卓羲」撻着，她笑說：「唔係男友，佢係我中學同學，15歲就識，太過熟喇。」有記者提議她將同學介紹給周秀娜認識，欣宜說：「佢有女朋友o架！」在旁的周秀娜則笑說：「我唔可以將就做第三者o架，我要做大！」正拍攝劇集《宮心計2深宮計》的周秀娜談到歐陽震華日前拍劇中暑，她說：「有一日我同劉心悠拍耍劍戲，拍一陣已經拍到背脊濕晒，遲啲去橫店拍外景成四十幾度，依家大家都互通消暑嘅消息，諗住買部流動冷氣機。依家開廠都好熱，因為太多人又打好多燈。」

秋官指女兒大個女，不介意她拍親熱戲。	祖兒神秘撐場 容祖兒（右）專誠到場支持導演彭秀慧。	「大隻吳卓羲」

提到欣宜與蔡瀚億有不少親熱鏡頭，秋官笑說：「好前衞o架！個女都大個，拍戲吖嘛，角色需要，年輕人係咁前衞，語不驚人誓不休吖嘛，睇咗啲片段，做得好自然呀。（有咩唔畀欣宜拍？）佢都冇問過我，最緊要演得真，唔好令人覺得唔投入。（接受欣宜性感演出？）性感得嚟健康就唔怕，佢都大個女，依家仲係女神，叻女o架！」

祖兒笑導演大膽

另外，導演彭秀慧請來天后祖兒撐場，祖兒笑說：「你都好大膽，搵我呢個票房毒藥嚟撐場。」問祖兒踏入30歲時有何感覺？她笑說：「過咗好耐，唔記得喇。」

文：影視組