粉絲為偶像守身譚詠麟:問肥萍啦!

譚詠麟(阿倫)昨日與本港桌球名將傅家俊拍攝ViuTV節目《約咗傅家俊》,阿倫笑言已有30年沒打桌球,被問會否叫傅家俊讓他?他笑謂:「一cue最高147度,我叫佢讓我146度,不過佢唔肯。(生疏?)啱啱打嗰陣冇咩手感。(飛咗出去?)咁又冇!」談及有沒有明星桌球波友?他說:「陳友、彭健新、葉智強都係,陳百祥就係loser,鍾鎮濤就唔打嘅!」他笑指當年以打桌球贏錢當供自己讀書,但自己朋友圍內打波就不會賭。

談到最近有瘋狂粉絲揚言要為偶像守身,阿倫即拿跟隨他多年的粉絲「肥萍」開玩笑:「問肥萍啦,識咗佢都30幾年啦。(有問過佢係咪守身?)唔知喎,係真就真係多謝晒!(偶像會好大壓力?)會o架!」