唐詩詠唔想提洪永城戀情凍過水
藝人唐詩詠昨日到中環宣傳新劇，講到劇中要學撒嬌講普通話疊字，她口若懸河笑言甚有難度，但當提到日前生日，她即指男友洪永城沒有任何表示，並多次尷尬避談對方。另一邊廂，洪永城現身電視城開工同樣避談詩詠，莫非兩人感情亮紅燈？
唐詩詠、王浩信、宣萱、高海寧（高Ling）、鄧佩儀（Gloria）、譚凱琪及白雲等昨日到中環鬧市宣傳無綫劇集《不懂撒嬌的女人》，吸引大批上班族及龍友圍觀，場面擠擁！當中高Ling身穿粉紅色吊帶裝騷香肩，白雲穿緊身裙，豐滿上圍逼爆衫！
講肚餓餓難頂
劇集前晚播到詩詠及浩信到達台南，見識台妹撒嬌的厲害，詩詠亦開始學撒嬌說「你好棒棒啊」、「好餓餓啊」，效果爆笑！昨日詩詠笑說：「我同浩信開始發展感情線，發覺男士唔一定喜愛女仔撒嬌，但之後個台灣女仔返嚟，我哋會再有比併，其實中尾段想寫港女未必嬌嗲，但關心係用行動證明，例如陪男友捱麵包同供樓，大家唔同性格，我撐香港女仔。（撒嬌講疊字係咪好難？）好難呀！好似肚餓餓，一句說話要諗邊個字疊字係有啲難度，又要高音啲。」
問到男友洪永城（Tony）對其撒嬌有何評價？詩詠避談說：「未有人話我知反應喎！」講到本月3日生日，詩詠表示沒大肆慶祝，問Tony有否送禮物？她即臉有難色說：「冇表示，呢啲要問佢，我唔代答。（嗌咗交？）唔係……我唔代答啫！講番劇情啦！」再問她拍拖不算久，男友已經沒送生日禮物，會否不開心？詩詠欲言又止，只說：「唔好講呢啲，最緊要收視好！」
劇集歌曲打入3甲
另一邊廂，Tony昨日返將軍澳電視城拍《大帥哥》，他表示最近每日開工12至13小時，但未算最辛苦，且跟前輩張衞健合作，每日都學到嘢。提到唐詩詠生日他沒表示，似乎感情生變，Tony即婉拒回答：「趕住入廠，唔回應喇！」
此外，Gloria早前拍攝網劇《降魔的番外篇》吊威吔受傷，更要辭演《誇世代》，昨日她復工谷《不》劇，但行路硬晒軚兼要搵手撐住腰部！她透露診斷出下半背部韌帶撕裂，已休息十日，做了三次針灸，下周可回歸劇組拍文戲，並說：「女人條腰好重要，要生BB(口架)！我希望30至35歲生BB，已經諗定仔女叫咩名喇！」
此外，《不》劇中的三首歌曲成功囊括iTunes熱門歌曲排行榜頭三名，第一位是菊梓喬演唱的片尾曲《手中沙》，第二位是譚嘉儀演唱的插曲《陪著你走》，由何雁詩演唱的主題曲《我不會撒嬌》則排第三位。
文：影視組