翁嘉穗大仔揚威送波鞋獎勵
前港姐冠軍翁嘉穗與鄔友正的長子、現年16歲的鄔謨雲早前於健力舉重項目奪冠，兼同時刷新三項香港紀錄，成為香港舉重界的新星。翁嘉穗讚兒子訓練和飲食都好認真，已訂好餐廳兼買禮物和兒子慶祝。
翁嘉穗兒子鄔謨雲（Jason）早前在第60屆體育節香港健力錦標賽2017贏得青年組冠軍，兼打破三項香港健力舉重紀錄，包括蹲舉、臥推舉和硬舉，年紀輕輕的Jason原來對此運動十分認真，翁嘉穗說：「佢一星期要訓練六日，每次個幾兩個鐘。（飲食都要配合？）佢話要食四千卡路里一日，日日都問我呢樣幾多卡路里，嗰樣幾多卡路里，我話唔知，佢又去問啲工人，有幾多克肉？係乜嘢肉？好認真。（點樣同個仔慶祝？）我哋過兩日去餐廳食嘢，佢揀咗間餐廳，同埋佢話要波鞋。（細佬鄔謨風係咪都鍾意運動？）細佬文靜啲，不過好鍾意跳舞，一聽到歌就郁手郁腳。」
星洲奪品牌大獎
翁嘉穗又透露喜事成雙，除了兒子Jason奪冠外，她與老公旗下品牌海馬牌床褥日前在新加坡連續八年榮獲《讀者文摘》2017 TRUSTED BRAND AWARD，是唯一的香港品牌躋身這個獎項，由於她出發前往新加坡而錯過見證兒子奪冠一刻，她說因一早計劃好行程，兒子除了要比賽，也要預備考大學，故新加坡之行沒預兒子。對於品牌連番獲獎，她感到好開心好光榮，又說當地有些品牌或對他們不太認識，笑言對其背景感到神秘，反而很想多作了解。
文：名人組