千嬅靠自己雪卵No Way

楊千嬅、名媛諸葛紫岐（Marie）、曹敏莉與老公等，昨日到銅鑼灣出席活動。千嬅透露最近忙為新片《春嬌救志明》宣傳，幸好復活節假也有陪兒子Torres，並指忙到下月中才可放長假陪囝囝。

對於被指雪卵準備再生B，千嬅笑說：「呢件事好好笑，嗰日有個男記者問我係咪雪咗卵，我聽唔清楚話：『咩卵話？』好奇怪，呢啲嘢我同老公先討論，好少喺條街有人問我啲卵點樣o架嘛！我就冇，其實應該趁年輕時做比較有作用，我呢個年紀又試過有纖維瘤，係高風險啲，我生咗第一胎，可以自己努力吓。之前係有諗過，但生Torres之後都冇再諗！（想再生？）試吓囉！但冇壓力，順其自然！（Torres想要細佬妹？）佢成日都話悶o架啦，帶佢同表哥、表弟、其他小朋友玩囉！」

老公幫手揀護士裝

此外，提到有指她在戲中穿情趣護士裝色誘余文樂，令老公丁子高不滿，千嬅否認：「件衫我畀佢揀o架！佢仲叫我減肥，唔好出去丟架！（所以冇先斬後奏？）梗係冇，佢冇干涉我做嘢，但佢好客觀，我會搵佢做市場調查，問吓件嘢係咪得。」

千嬅對於再生B全無壓力，順其自然。	千嬅前日帶囝囝到主題樂園遊玩。	曹敏莉昨日與老公（右）及好友出席活動。

諸葛撐城城禮服

至於Marie表示有留意郭富城舉行婚禮，對於其紅煲呔加大紅襟花被網友批評不夠潮，向來打扮甚有心得的Marie說：「件衫幾型，開心日子，點都靚仔。佢又有Figure，我覺得冇嘢喎！」

文：影視組