阿嬌首拍台劇拍檔來頭勁
組合Twins前晚於澳門舉行的頒獎禮上，贏得「亞洲最佳組合」及「最佳舞台表演力」兩個獎項。阿嬌透露將首次拍台灣偶像劇，導演和演員來頭勁，但暫不能透露。問到可有機會與男主角發展？阿嬌即指對方有女朋友，阿Sa亦幫口說：「佢係去拍劇，唔係拍拖，唔係去追男仔，我哋好專業o架！」
至於同場的古巨基獲頒「榜中榜最佳專輯」及「亞洲影響力最受歡迎男歌手獎」，問到其造人大計？他笑言冇偷懶，但老婆太忙，現時主要以中藥調理身體，冇刻意尋求生仔偏方。至於可有食虎鞭？他笑言：「唔使食呢啲，啲鞭畀第二啲人食，其實我真係有心有力！」
此外，阿Sa近日拍宣傳片時，提到對自己十年後的期望，她爽快笑說：「有錢！」令全場大笑！