劉心悠怕凍拒選性感睡衣

藝人劉心悠昨日以睡衣look出席活動，她坦言平時不會穿性感睡衣，並笑說：「因為太凍喇，我都係鍾意多啲布，亦都好少着套裝嘅睡衣。（有冇失眠煩惱？）未試過，晚晚都瞓得好好，呢個係好好嘅天賦，練成咗呢個絕技出到埠都唔驚瞓唔着，不過都曾經試過瞓覺嗰陣輾轉反側，好多嘢諗，不過依家就唔會。」心悠最近忙拍無綫劇集《宮心計2深宮計》，問會否不夠時間休息？她說：「拍劇係需要幾多體力，因為好多台詞要記，不過都學識咗訓練自己分配時間，套劇拍得好開心，可以話大開眼界。（會唔會再有出浴戲？）我都有問呢個問題，不過暫時劇本未寫到，未知。」