顏卓靈5%人類樽頸掙扎

演而優則唱的顏卓靈（Cherry）最近加入樂壇推出第一首Solo歌《閃光》，自認歌喉獨特的她表示不喜歡跟隨主流唱法，錄音期間會主動提出意見，她說：「我比較了解點樣玩自己嘅聲線，有啲監製都會幾Buy我嘅Style，有啲歌就會畀監製扭一扭我，試吓其他唱法，都幾好玩！」

她在音樂上有個人想法，在人生中，她亦不甘於被框架所限，她說：「我覺得呢個世界上有好多人都被困住，但95%嘅人都跟緊社會嘅System，我就覺得多人做唔係大晒嘅，同埋好多人覺得我咁諗係一個問題，但我肯定呢個唔係一個問題，係自由嘅選擇。」

要搵位突破

為了得到自由，所以要獨立，Cherry坦言有意今年內搬出去獨自生活，卻令她陷入兩難之中，她說：「我知父母會唔捨得，我知人都會死，仲有幾多年見呢，會唔捨得同佢哋離別，但我依家唔獨立，就會又慢咗，同埋我Feel到我已經喺樽頸位。」做藝人在某程度上要捨棄自由，更讓她內心產生矛盾：「好矛盾，我都研究緊，有咩建議？未做幕前會Free好多，做咗之後會諗多啲，就會想要更加大嘅自由，我唔鍾意去到邊都受到注目，所以我平時好低調，我諗要接受咁樣，但要搵啲位去突破。」

顏卓靈大個女，係時候要獨立吓！

講到要搬離屋企，顏卓靈最唔捨得父母。

男友白只複雜

一直努力保持稜角的Cherry透露朋友全都「淋支支」，所以接受到她的「三尖八角」：「我成日都問點解佢哋忍得掂我嘅呢？緣分囉，佢哋又好鍾意聽我講嘢o架喎，唔係好想知我呢行係點，係想知我呢個身份去經歷嘅嘢，成日覺得我好似修煉緊咁，同埋覺得我好搞笑。」至於男友白只是否都是「淋支支」？她笑說：「或者佢都有呢一面，但其實佢唔係。（佢都多嘢諗？）唔知呢，但佢都係一個複雜嘅人。」

文：音樂組

攝：劉斌

Hair：Hugo @ Toni & Guy IFC

Make-up：Angel Mok

Outfits：SLY

Shoes：Katie Judith @ ITHK

場地：香港珀麗尚品酒店