瑪姬爆追求者：一約就約去酒店！

Maggie參加歌唱比賽入行，入行十一年才首次簽經理人，她計劃再戰歌壇，還憶起去年參加廣州歌唱比賽的點滴：「嗰集我有第三名，張敬軒令我聲淚俱下，令到我反思，好想畀人知2005年我係歌唱比賽入行做DJ，我係識唱歌。」她又解釋軒仔令她落淚的原因：「軒仔唔係評判，係參賽者之一，佢幫手起身講兩句評語，佢絕對有資格，佢講嘅評語下下到肉，佢講番到電台見到我啲CD疊到山咁高，每日都幫人實現夢想，同埋從來唔消費歌手嘅緋聞，當佢講到歌手不停追求自己夢想，但瑪姬就不停幫人實現，我啲眼淚忍唔住流。」

拒有婦之夫

工作上有新發展，但感情就交白卷，Maggie坦言做司儀多年，有很多老闆級追求者：「有啲好得意，接觸我，但有家室，吓咩事呀？有單身嘅，但一約就約去酒店，點解會咁呢？唔想人覺得我係娛樂圈貪慕虛榮嘅女仔！」

瑪姬計劃再戰歌壇，想話畀大家知：「我係識唱歌！」

瑪姬拿着花球，宛如新娘子！

至於擇偶條件，她認為「尊重」很重要：「點解對上一次感情散？就係佢唔尊重我，對方係有名望嘅人，佢覺得我係借佢上位，講到出口，我好詫異，點解你咁講嘢嘅？拍拖出街係我話唔好拖手，費事畀人影到，但佢竟然咁講，我話分開，佢又話點解要分開？做錯啲咩？咁就仲死，自己講錯咩都唔知，覺得娛樂圈嘅女仔就要借佢上位，唔需要啦！」Maggie只肯透露對方是大家認識的圈外人。

文：專案組

攝：張福宏

場地：Le Secret

髮型：Roy Chow

首飾：JEES