周秀娜性感派飛呻冇拖拍

藝人周秀娜、鄭欣宜和導演彭秀慧昨晚在中環出席電影《29+1》宣傳活動,派400張飛請30歲觀眾睇戲,吸引大量市民排隊。身穿露肩裝的周秀娜派飛時大派「福利」騷出養眼事業線,她指自己忽略不少身邊事物,問是否忽略了愛情?她說:「乜都有啦,屋企又有,愛情都有。(開始諗要拍拖?)呢樣真係搞唔掂,唔係話你想有就有,想嘥呢啲時間都冇得嘥,因為冇遇到啱Feel嘅人。」所以只好借拍戲去享受愛情。

而尚有約一個月便30歲的欣宜,表示或會遠行慶祝:「上網見到890蚊尼泊爾機票,好有興趣孭背囊去。」又笑指不怕變成30歲沒女:「依家先係我最正嘅階段!」