26歲澳洲女星、「小丑女」瑪歌羅比（Margot Robbie）日前被澳洲雜誌《NW》踢爆有喜，將與老公Tom Ackerley初嘗當父母的滋味！雜誌引述內幕人士透露：「真係好令人興奮！雖然瑪歌仲未見肚，不過好多身邊人已經知道呢個好消息！」仲話計番時間，瑪歌大有可能是奉子成婚，在去年12月的婚禮上已經有喜，大家都期待她隨時宣布喜訊。
瑪歌於2013年因拍攝《Suite Francaise》而跟Tom撻着，拍拖兩年在去年底拉埋天窗，低調舉行婚禮。另外，瑪歌之前受訪已公開表示好恨生小朋友：「我想生一堆小朋友，我在一個擁有4個仔女嘅家庭長大，感覺呢個數字唔錯！」