張家瑩學滑雪跌到屁股開花

前亞姐冠軍張家瑩（Grace）日前到日本北海道旅行，滑雪兼浸溫泉，度過一個冰火之旅。今次是Grace首次玩滑雪板，跟教練學了半天後她便坐吊車上山滑雪，她坦言：「因為技術唔好，一開頭已經跌咗好幾次，真係好灰，其實都有諗過放棄，不過離山腳仲有好遠距離，惟有硬住頭皮繼續，原來真係跌得愈多至會滑得愈好，我跌到屁股開花，好彩返到酒店可以浸吓溫泉紓緩吓！」雖然跌到屁股開花，但Grace自言已愛上滑雪，下次一定再玩。