巨星放題2.0：苟芸慧同博士熟IQ自然高？
深受網民歡迎的東網巨星節目《巨星放題2.0》，由影帝黃秋生、美貌與智慧並重的港姐陳凱琳及人氣歌手吳業坤擔任考官，出題考大家IQ。第十五集的應考生有女子組合Bingo成員Odilia與Christy以及藝人苟芸慧，三人事前都信心十足，Odilia自言生得高，IQ一定高；Christy就話自己做開生意，有生意頭腦，IQ都唔會差；苟芸慧自認係小芸（小雲），同IQ博士關係好，所以IQ自然高。三個講就天下無敵，答又係咪有心有力呢？
Q1：乘坐港鐵相同車站入閘出閘逗留時間於20分鐘至150分鐘之間，需繳交多少附加費﹖
Q2：點解偉仔可以一邊刷牙一邊吹口哨﹖
Q3：去洗手間，估一種食物。
究竟三位考生之中有冇人答啱？又有冇人食零雞蛋？想知就快啲去片啦！唔知大家又答中幾多題呢？仲未夠喉？輪到三位考生出題目喇！
《巨星放題2.0》每周逢周一及周五都會更新推出，大家可以透過東網App中東網巨星的巨星台及ontv東網電視click入東網巨星收看。
