同港姐浸溫泉 黎耀祥唔夠喉嗌Encore

黎諾懿一索得男，藝人黎耀祥昨日出席《兒童及青少年粵劇折子戲》總決賽記者會時表示，已收到對方傳來的BB相：「恭喜咗佢做爸爸啦！BB眼大、口大，都好似諾懿。（送咩畀佢？）老婆會搞！（因為一齊拍《歎得好健康》而成為好友？）係呀！我哋仲想公司開第二輯。（有港姐着泳衣一齊浸溫泉，好養眼？）係(o架)！可以加入其他港姐。（提議邊個？）個個都靚，等觀眾投票啦！」此外，問到可會轉型做粵劇，他笑說：「年紀大啦！雖然我好欣賞呢種藝術文化，但好多造手、功架唔係一朝一夕學到，唱吓還可以！我自細就耳濡目染聽好多粵曲，仲儲埋好多名伶黑膠碟，因為父母好鍾意。」