曲線讚密友靚 阿蘇減肥賀「金孖玲」
出爐金像「最佳女配角」金燕玲（Elaine）昨日首次現身密友蘇施黃的電台節目訪問，由於奪雙料金馬、金像女配，阿蘇封Elaine為「金孖玲」，諧音「金媽」代表她不時飾演母親角色。阿蘇又即場爆料指Elaine在電影《一念無明》的造型比每朝起床的樣子衰10萬倍，曲線讚靚！為賀Elaine獲獎，阿蘇決定由現時152磅減到140磅，晚上6時後更不進食，Elaine聞言說：「又唔使完全唔食，唔食會病。」阿蘇即謂：「你怕我早死過你啫！」
對於Elaine台上忘記多謝她？阿蘇說：「好多年前已經同佢講唔使多謝我！」Elaine即說：「我好想多謝佢，但上到台記得多謝個女就唔記得多謝佢。」另外，Elaine前晚出席慶功宴時則指未知賽果時相當緊張，得獎後覺得夢想成真，問到下一目標時只說：「冇諗！順其自然。」
