Fred舊愛姜麗文揞住嘴笑 秦沛笑醒
藝人秦沛昨晚與子女姜文杰及姜麗文行金像獎紅地氈，更笑言好開心。姜麗文舊愛鄭俊弘（Fred）近日新聞多多，問他們這兩天是否特別開心，全程封嘴的姜麗文只掩着嘴笑，秦沛即說：「呢兩日比較攰，加拿大返嚟有時差，瞓唔着會笑醒。（畀鄭俊弘嗰啲新聞搞到笑醒？）我都冇睇，笑醒係睇到好多金像獎新聞。」說到鄭俊弘指他沒負過姜麗文，秦沛即護女，交咪給記者想結束訪問，並問：「你哋想唔想我哋開心呀！」再問姜文杰在社交網寫「狗男女」是否有所指時，他只說：「多謝多謝！」
謝東閔擔心何雁詩
另外，曾與何雁詩傳緋聞的藝員謝東閔昨日到馬鞍山出席《全職沒女》宣傳，講到有指他與曾患情緒病的何雁詩在黃婉曼婚宴上因慶生問題爭拗，何雁詩將枱上的杯掃落地，他說：「我唔識黃婉曼，冇去到佢婚禮。（擔唔擔心何雁詩情緒病？）作為朋友都擔心，唔想講咁多，相信佢都幾大壓力，希望佢唔好受新聞影響，早日康復。」又認為鄭俊弘與何雁詩公開戀情是好事，對於他們被批評是「賤男」及「小三」，謝東閔指是他們的私人感情事，不便評論。提到劇中他與王卓淇飾演一對兼有咀戲，他笑說：「因為上套劇同卓淇做兄妹，所以畀人笑我哋『亂倫』。」
