Jocelyn設計環保比堅尼圓夢

名模夫婦Anthony與Jocelyn昨日宣布推出泳衣系列，由Jocelyn設計20件環保比堅尼，她透露採用以魚網轉化成的環保物料所製，下季將推出男裝：「去年1月開始搞，可以實現自己夢想，好幸運有Anthony做拍檔，佢會講真話！成個計劃搞咗成年，因為去年5月睇辦時覺得物料唔得，等到10月有新物料先做。」問到投資金額？她表示不知道，仍有好多改變，每次價格都會上升。兩人透露會找名人朋友幫手宣傳，但要有共同環保理念，為保護地球出一分力。問到會否因慳水而鴛鴦浴？Anthony笑說：「我唔沖涼o架！」