王賢誌讚陳雅思叻女夠進取
東華三院第一副主席王賢誌，其公司三皇集團舉行展銷會，昨日親身到場打點。最近他客串拍攝無綫《歎得好健康》節目，問到有否不習慣？他說：「離開咗十年，咁多年好多嘢都變咗，我嘅諗法、環境都唔同，做人要向前看，今次主要介紹有機食物及用品，同我主持嘅港姐陳雅思同港男丁子朗，一個27歲、一個19歲，兩個加埋咁啱等於我年紀，同佢哋合作可了解依家新一代年輕人嘅思維。」
對於陳雅思在節目中好搏，常着性感泳衣浸溫泉，更被封「宅男女神」，王賢誌大讚對方叻女夠進取：「我都有問過佢帶咗幾多件泳衣去拍，佢帶咗15件去換，依家呢代啲人好努力，好識得把握機會。（被指太性感？）正常浸溫泉係唔着衫，佢都係為拍攝着泳衣，健康嘅性感。」