梁朝偉一支公掃貨放電
梁朝偉和劉嘉玲不時出雙入對，最近兩人各有各忙，昨晚嘉玲低胸性感出席活動，不時有設計的她，揚言老公給她不少靈感；而梁朝偉日前則獨自出巡，全身包到冚，唯獨露出一雙電眼，已足夠電到售貨員笑到見牙唔見眼。
影帝梁朝偉日前下午4時包到冚出巡中環，戴Cap帽及口罩的他幾乎將整塊臉遮到實一實，只露出一雙招牌電眼，但依然被認出。偉仔單拖行名店悠然自得，只見他入到店內揀不停，不時穿梭試身室，試了不少新裝，逗留約一小時始離開。店員對他招呼周到，他離開時禮貌地揮手Bye Bye，氹到大家笑到見牙唔見眼，大有收穫的偉仔其後拿着大袋戰利品再往其他店舖閒逛。
老公畀靈感
另一邊廂，嘉玲昨晚低胸大騷事業線現身手袋活動，她有份設計其中一款手袋，並表示平時亦有參與不同的設計，被指工作繁忙少時間陪老公，她說：「係好忙但好開心，我喺屋企做，好方便。（偉仔有冇畀意見你？）佢畀到靈感我，佢鍾意運動同好禪嘅嘢。（對你嘅作品有咩評價？）暫時冇唔好嘅反應，應該幾好，哈哈！下次你哋問佢。」而鍾楚紅（紅姑）以露膊造型出席，與嘉玲同場，紅姑坦言多年來未曾試過與對方合作。對於有份主演的電影《流金歲月》將推出復刻版，問到該電影是否她最喜歡的作品？紅姑說：「睇番覺得好多嘢唔完美，但係好多回憶，除咗可以睇到自己成長，仲可以睇到舊時嘅香港同建築，好浪漫。（介意睇以前嘅演技？）係，睇咗一半唔敢睇。」
文：名人組
攝：追蹤組