吳綺莉食藥放鬆神經
吳綺莉與女兒吳卓林自衝突後關係一直緊張，而早前赴泰國後返港就醫的卓林至今仍未露面。連日來出入醫院與大坑寓所的吳綺莉，昨日中午離家到附近超市購物，問到會否搵女兒？她說：「辛苦晒，個女冇事，OK，真係辛苦晒。」她返抵寓所時被追訪，一臉愁容的她被問到身體狀況，她說：「邊個？（你。）我身體？食緊中藥！（要覆診？）遲啲囉，另外有朋友醫生畀啲放鬆神經（藥），我幾緊張。其實冇事、好小事，畀我抖抖，唔該。」
昨日吳綺莉未有到醫院探望卓林，她於下午二時離開寓所，前往薄扶林的華人基督教墳場拜祭外婆，拜祭後到銅鑼灣一個商場購物，並示意記者不要再追訪：「唉，真係畀你哋激死，唔好跟啦好冇，你睇吓我把聲。（去睇醫生？）唔係，我買洗頭水。」購物後，吳綺莉便返回大坑寓所。