張兆輝Chok爆CEO大把咀戲

張兆輝即場抱起陳松伶，Easy Job！

無綫新劇《全職沒女》演員張兆輝、陳松伶、張振朗、陳瀅、謝東閔及羅蘭等昨日在將軍澳宣傳，眾演員穿上婚紗禮服行紅地氈出場，當中以陳瀅的露膊裝最性感。玩遊戲時，張兆輝抱起陳松伶相當輕鬆，但張振朗抱起陳瀅竟然吃力得面紅耳熱。張兆輝與陳松伶在劇中發生一夜情兼有不少咀戲，陳松伶指是她從演以來最多親熱戲、最多醉酒戲的一套，但卻嫌不夠激。

蘇志威贊助靚衫

張兆輝表示拍親熱戲不尷尬，與陳松伶合作很開心，拍攝後大家也經常聯絡。陳松伶取笑在劇中扮演CEO的張兆輝Chok到爆，張兆輝笑說：「一向都係咁樣，不過今次做CEO要再執正啲。（出動私伙衫？）唔使，今次有蘇志威贊助好多靚衫，全部都好Fit。（收視有冇信心？）有信心，最緊要高收視。」

陳瀅	陳瀅穿上低胸露膊婚紗，與張振朗作狀錫錫。

多年沒拍無綫劇的陳松伶感緊張：「劇中係全新形象，好顛覆性，自己都認唔到自己，戴眼鏡肥嘟嘟、冇錢、冇學歷又冇禮貌，成日鬧人，見到男人流晒口水。拍嗰陣好開心，但拍完就好驚，希望大家當我新人看待，叫我陳松松啦！」她指與張兆輝合作很開心沒有隔膜，更笑說：「我老公又係姓張，我直情當咗自己係張太，輝哥老婆嚟探班，我話呢個老公呢刻係我嘅，輝哥老婆都冇介意。」而謝東閔劇中奪取了王卓淇的螢幕初吻，他笑言因要多角度拍攝，變相NG了很多次。

文：影視組