佗B黃婉曼谷奶上H Cup
懷孕近五個月的藝人黃婉曼（Icy）昨日到鰂魚涌出席由組合艾粒主持的ViuTV節目《黑料理》記者會，Icy因懷孕令上圍升至H Cup，成為網民熱話，穿上連身裙仍難掩豐滿身材的她，更穿上三吋高踭鞋，非常貪靚！
Icy笑說：「上次着平底鞋，畀Friend話我肥，似水桶！我依家三圍數字幾乎一樣！（幾多？38吋？39吋？）差唔多啦！（老公有冇講啲乜？）佢冇乜所謂，係我介意，要諗之後點收身，佢笑我啲嘢食係咪我食晒，唔係BB食，咁我唔忍得口嘛！（上圍升咗，老公開心？）唔知呢！但我覺得笨重，有時起唔到身，腰力唔夠，自己着唔到鞋同剪唔到腳甲。（老公幫手？）幫到就幫。」
Icy又衝口而出自爆「母憑女貴」，其後急急改口說「母憑子貴」，問是否佗B女？她笑言叫大家估吓，打算過幾日才公布。