歌手岑日珈（Angie）出道時被本報踢爆與鄭俊弘（Fred）到公園放狗而傳緋聞，Angie昨日到電台宣傳新歌，對於Fred被指一腳踏兩船，令「現任女友」何雁詩（Stephanie）慘被封「小三」，Angie說：「如果有女友或未婚妻又同第二個一齊，就好唔啱。」隨即揶揄說：「仲要同同事搞上關係，對公司形象唔好，對正印都唔好。」又即與男方劃清界線：「唔係好熟！」
Angie又提到昔日慘遭杯葛的事：「嗰時畀人踢咗出Group，嗰年大家都係新人，Fred人氣好強，我冇乜名氣，人哋覺得我黐住。」由於Fred潛水19小時避傳媒，Angie寸爆說：「上次都係啦，男人嚟嘛，佢又咁陽光，應該出嚟曬吓太陽講吓嘢！」並揚言戥何雁詩不值：「Stephanie都好慘，可能佢唔知情。」