藝人賴慰玲早前被拍得與何雁詩及鄭俊弘食Tea，身為何雁詩好友的她，坦言不清楚二人的私事：「以我所知佢哋一直係好朋友，佢哋經常合作，而且又好鍾意音樂，所以特別投契，至於其他事情，我都唔知。（陪何雁詩多啲，聽佢傾訴？）佢依家忙拍劇，等佢拍完劇先再去玩啦！」賴慰玲因拍攝《與諜同謀》而認識鄭俊弘，但指對方少提及私事，故不清楚他是否有未婚妻，問到會否擔心鄭俊弘被封賤男？她說：「佢係成熟嘅人，相信佢會處理。」
而另一位好姊妹陳瀅講到何雁詩被指是「小三」介入鄭俊弘與未婚妻的感情，她說：「佢哋兩個係同事關係，成日一齊做嘢，做完嘢會成班人一齊食飯，我都有同Fred食過飯，但冇聽過佢提及未婚妻。（Fred為人點？）佢好Nice，我就唔相信佢哋拍拖，佢哋依家只係好朋友，將來就唔知啦！」
曾與鄭俊弘傳緋聞的蔡思貝只說：「我唔清楚內情，唔方便回應，謝謝。（你之前係咪同佢拍拖？覺唔覺佢追你？）咁多年前嘅嘢唔答，謝謝。」