張紋嘉開唱重組HotCha Winkie：請都要考慮吓

前組合HotCha三位成員張紋嘉（Crystal）、張惠雅（Regen）及黎美言（Winkie）傳因不和而拆夥，昨日是組合成軍十年的紀念日，三人各自在社交網撰文及貼舊照緬懷。據知星娛樂唱片公司有意拉攏HotCha「重組」舉行十周年紀念演唱會，但有傳其中一位成員不滿有人「扮大家姐」及「遲大到」而表明「唔想玩」。唱片公司遂幫Crystal開入行十周年個人音樂會，並有意邀Regen及Winkie任嘉賓，以另一個形式令HotCha「重組」。

Crystal昨日接受電話訪問，對於合體演唱會搞不成，她說：「梗係想開啦！（點解搞唔成？）好多原因，夾時間都難。（有人講明唔合作？）人同人之間性格夾唔夾好難講。（傳Regen唔想做？）唔關佢事，佢都好忙要拍網劇又要讀中醫。」她補充說：「其實我都有講時間咁難夾，不如唔好做住。」談到將於5月2日假灣仔舉行紀念十周年個人音樂會，Crystal多謝唱片公司，為約滿的她投資6位數開騷，問可會邀Regen及Winkie任嘉賓，她興奮地說：「所有朋友都會請，不過我未開口請佢哋。」

「不和事件」爆羅生門

而Winkie表示亦想HotCha開紀念演唱會，有指紀念騷搞不成？她說：「咁我唔知喎。（係咪有人唔肯做？）嗰個一定唔係我！」有謂Crystal欲邀她任其個人音樂會的嘉賓，變相讓HotCha合體，她有骨地說：「佢未叫我喎！（Crystal可能怕醜？）咁我都好怕醜，佢請我都要考慮吓，我好忙o架！」至於Regen強調開騷不成跟她無關，更似有弦外之音：「我同佢哋冇不和，但係我都忙o架！或者到15周年紀念喺紅館見啦！」

文：音樂組