高海寧貪錢離晒地倒吊喊驚
無綫藝員高海寧與黃德斌昨日在西貢為劇集《抱佣情人》拍攝爬樹戲外景，講述劇中貪錢的高海寧爬上樹搏命拾回有錢佬黃德斌的卡片，希望做成生意。高海寧要爬上十多呎高，不時喊驚尖叫，雖然論論盡盡，但習慣了高度後又聲言刺激好玩，而現場則有吊機車以威吔繫着她以策安全。之後高海寧更要倒吊樹幹，頭下腳上，充血得面紅紅的她叫嚷：「嘩！好驚呀！」連導演也問她要不要用替身，但高海寧堅持親身上陣。
黃德斌變身龍友
事後被問到有否畏高？高海寧笑說：「真係有少少，坐唔到透明lift，好彩有威吔扯住感覺已經安全好多，所以拍攝時都OK，最驚係拍完叫我跳落嚟，試多幾次又冇咁驚，喺安全情況下做覺得件事好刺激。（做足保護措施？）已經黐晒膠紙防走光，仲有啲護膝、保護墊，不過都用唔着，因為我未用力條威吔已經扯咗我上去。」
拍攝期間黃德斌成為高海寧的「御用攝影師」，拿着她的相機不時為她拍照留念。平時也有影相的黃德斌笑說：「佢叫我幫佢影相，自己以前多啲用相機影，依家就用手機影多。」角色是城中有錢地產商的黃德斌指與高海寧有段霧水情緣，劇中要為高海寧搽太陽油，但以搞笑居多。
文：影視組