劉偉強57歲生日葉璇「走樣」到賀

導演劉偉強昨日57歲生日，獲多位圈中好友在西貢寓所附近開P慶祝，古天樂、馮德倫、莊思敏、葉璇、王敏奕、劉香萍與葉童等到賀，大蛋糕上印有壽星公相片、菲林卷和拍板裝飾。劉偉強與太太以黑色情侶裝拖手現身，他透露願望是身體健康及大家開心，又感謝太太說：「多謝佢一直打理得頭家好好，覺得好安慰。」他透露本月13日將為新戲開工：「聽日（今日）要飛北京準備。（唔可以盡興？）我哋好有紀律，十點就返屋企休息。」他表示接到好消息，細女獲紐約的大學取錄，他說：「個女想讀心理學，話要醫老竇，因為老竇心理唔平衡！佢8月底要離開我哋身邊，開始百感交集，但有大學收都戥佢開心，咁多個仔出去讀書冇送過佢哋，今次想送個女開學，擺明偏心，係要照顧多啲。」

莊思敏送男士服飾

久未在港露面的葉璇箭步入場，見她樣貌與之前稍有不同。她之後現身受訪時說：「本身都有嘢做，留兩、三日。（送咗咩？）一啲擺設。（點解男友唔嚟？）佢都有嘢做。（之前傳情變？）我哋OK呀！（幾時結婚？）順其自然！」

劉偉強夫婦恩愛現身，其生日蛋糕充滿電影感。	放大圖片	莊思敏 不少藝人抽空出席劉偉強生日P。

而馮德倫到場時被附近住客集郵，他透露太太舒淇在外地開工，問到會否探太太班？他甜笑說：「上次咪去咗囉！（再去？）得o架啦！（之前去日本旅行？）係。（你個樣好Sweet喎！）真係？（平時都咁Sweet？）私人生活希望盡量低調。」至於莊思敏表示買了男士服飾，而資深電影人方平則送酒祝賀，還幽默說：「畀佢（劉偉強）沖涼！」

王敏奕

馮德倫

文：影視組