王梓軒寄語參賽者享受高質舞台

內地歌唱選秀節目《快樂男聲》多年來為不少熱愛音樂的人提供演出平台，助他們實現歌手夢，節目今年載譽歸來，更將於香港舉行港澳台區選拔賽，希望吸納更多有潛質的選手，勝出者可直入8月舉行的全國決賽，有興趣的香港男士切勿錯過今次難得機會！

是次《理想集團呈獻 2017快樂男聲港澳台區選拔賽》邀得歌手王梓軒（Jonathan）、胡琳、音樂人張家誠（Alan）及著名排舞師Sunny Wong擔任星級評判，Jonathan去年曾以歌手身份參加類似音樂比賽，他大方分享參賽經驗及得着：「呢啲大規模嘅節目，喺音樂同配套上可以畀到好多資源同刺激我，有最好嘅音樂人去Support你做你鍾意嘅嘢，就算唔當佢係一個比賽，而係一個舞台，產生出嚟嘅表演都會好高質素！」他坦言現時更懂得珍惜每次表演機會：「比賽上，每次都可能係最後一次，你會選擇取悅大家定去享受？我會選擇後者！」

王梓軒（左）與音樂人張家誠合力為比賽揀蟀。	胡琳與Sunny亦是星級評判。	魏晨

唔一定要飆高音

談到內地歌唱比賽愛飆高音，Jonathan認為其他演繹方法亦能打動人：「聽得多會希望有新嘢，大家識分嘅，飆高音可能係入門，要刺激，畀好辣嘅你食，但食得辣多都想食其他味道，好似甜、苦、鹹，係咪一定要咁濃呢？」身為評審的他，建議不要只顧贏比賽：「如果淨係為咗贏而放棄本來最想做嘅嘢，你會好後悔，參加比賽可以畀人認識係好好嘅事，但唔一定要贏，而係每一Round都要贏自己，做自己嘅最好。」

歐豪	蘇醒	王梓軒（左）與張家誠向參賽者傳授心得。

張家誠：要有個人特色

至於Alan曾為不少人氣歌手擔任歌曲監製，當中不少都是歌唱比賽出身，他認為是次選拔賽是很好的入行機會：「除咗好多聽眾會聽到你唱歌之外，亦會有好多唱片公司、幕後人士留意，真係有興趣入行嘅，就唔好錯過機會喇！」由於參賽者是全男班，他認為競爭會更激烈，選手要有個人特色才能突圍而出。

新星搖籃 威到韓國

歷屆《快樂男聲》參賽者不少已成為內地炙手可熱的男歌手，即使未能奪得全國冠軍，亦在樂壇有相當好的發展。2007年勇奪全國總決賽亞軍的蘇醒，至今已發行過4張專輯及2張EP，他於2014年更自立門戶，成立個人工作室。同期的魏晨在比賽中奪得全國季軍，2011年登上韓國音樂節目《M!Countdown》舞台，成為首位在該節目演繹中文歌的中國歌手。

而陳翔於2010年奪全國第5名，翌年推出首張原創EP，其後唱而優則演，向影視方面發展。最近與馬思純傳緋聞的歐豪則是2013年全國亞軍，他在節目上贏得評審謝霆鋒的賞識，並獲邀合唱電影主題曲。而在同期比賽中奪得全國季軍的白舉綱，當時只得20歲，兩年後已推出過2張專輯，並舉辦個人音樂會，成績驕人！

報名方法

是次《理想集團呈獻 2017快樂男聲港澳台區選拔賽》由理想天映主辦，湖南衞視及芒果tv聯合出品，熱愛音樂而又享受在大型舞台演出的男士，可打熱線（852）2398 2110，或將個人資料及參賽視頻發送至superboyhk2017@gmail.com報名，是次選拔更是無門檻及全開放式，不管身上有否合約都可參加。如想得到選拔賽最新資訊，可上Facebook專頁「理想集團呈獻-2017快樂男聲港澳台區選拔賽」查看。

初選

日期：4月15及16日

時間：上午10時至下午4時

地點：銅鑼灣登龍街28號永光中心

19樓MEZZE7七重天

總決選

日期：4月23日

時間：下午3時

地點：九龍灣國際展貿中心

Music Zone@E-Max

文：音樂組

攝：吳文聰

場地：MEZZE7七重天