未儲夠老婆本楊明遲到拒請食飯

藝人楊明、敖嘉年、陳婉婷及何遠東等，前晚出席劇集《心理追兇Mind Hunter》首播飯局。楊明因要拍新劇《抱佣情人》而遲到，到場時被同劇演員叫請食飯，楊明說：「梗係AA制啦，入面咁多人有錢過我！」對於被笑是拿督女莊思明的未來老公，他即說：「關我咩事，又未結婚。（儲老婆本？）係呀，本身我唔大使，都係間中買衫，啲衫都係幾十蚊件。（儲老婆本儲到幾時？）未儲完，要睇酒席升得快唔快，到時應該香港擺。之前做過好多人嘅兄弟，佢哋係時候還債，總之係嘅話，第一時間通知大家。（雙喜臨門？）唔會啦！」他透露月中將到威尼斯及非洲拍打工節目，預計一個月後才返港，問會否帶思明同行？他說：「應該唔會。（分開玩囉！）咁就死，佢一個女仔我唔放心啦！」