劉佩玥讚襯到絕
何雁詩在圈中好姊妹甚多，對於她與鄭俊弘（Fred）秘密撻着，一眾閨蜜口徑一致，齊齊為好友護航保愛苗，指兩人只是好友關係。前日與兩人食tea的賴慰玲說：「佢兩個不嬲好friend，我同佢哋各自又係好朋友，成日話去郊遊，尋（前）日去咗大自然cafe下午茶，好普通咋，唔覺有咩特別喎！」
曾與何雁詩合作《四個女仔三個BAR》的劉佩玥笑指，何雁詩與Fred在最近的MV中非常合襯，但現實中只是好友：「佢咁大個女，呢啲直接問番佢啦！（何雁詩鍾意咩類型男仔？）冇特別咩type喎，最緊要令佢開心幸福。我大佢少少，會睇住佢同支持佢。」早前與何雁詩孖住旅行的陳瀅則表示曾見過Fred多次：「好朋友啫，佢哋同一間公司，幾傾得埋咁囉。」