譚詠麟訕王上身同Eason鬥吹

「樂壇校長」譚詠麟接受東網巨星節目《娛樂onShow》主持Angela及陳振安訪問，問到有甚麼動力令他相隔七年再推出國語大碟《欣賞》？校長笑言：「痕！心痕！七年之癢因為已經冇錄七年。」該專輯籌備達兩年之久，亦與各地歌手合作，校長更擔任監製及參與創作詞曲：「雖然辛苦，但係開心，好似係一個自己湊大嘅細路咁。」

唔好意思催人

校長大爆錄音期間發生很多趣事，陳奕迅（Eason）素有「吹神」之稱，而校長亦有「訕王」之名：「Eason嚟到錄音嘅前三個鐘，其實坐低傾吓偈、食吓嘢，搞吓呢搞吓路，實際錄音都只係半個鐘頭，一個鐘頭之內連和音都唱埋。」他透露下次可能會出廣東專輯。

校長亦有與台灣天團五月天合作：「一等一個月，兩等兩個月，三等三個月，冇嘅，係咪唔記得咗呢？又唔敢催人，叫得人哋做嘢又唔好意思催。」剛巧遇上五月天舉辦巡迴演唱會，結果一等便是八個月，亦是整張專輯最後錄製的一首歌。校長亦有分享其他的趣事，想知道係乜？立即click入東網巨星睇《娛樂onShow》啦！

陳奕迅出名多嘢講，譚詠麟亦不遑多讓。（設計對白）	校長透露於新碟中擔任監製及參與創作詞曲。	譚詠麟與五月天合唱新歌。

文：專案組

Hair：Perny Tang @Silkcut salon

Makeup：Eva Chuk @Face make up studio