鄭世豪做二打六：心酸！
由演員轉為歌手，捱足16年的鄭世豪沒從此一帆風順，有人甚至不客氣地問：「你個樣唔得，又係二打六、茄哩啡，憑乜推出歌曲？」世豪早前受訪時坦言不開心，但覺得對方沒說錯，希望努力令大家對茄哩啡改觀：「我哋嘅艱辛真係有嘅，未必一年365日都有劇集開工，生計未必維持到。大家都有家庭要承擔，好似《仍堅持》MV咁要做正職維持生計，繼續實踐夢想。」若觀眾在街上遇見他們，世豪請大家不妨打聲招呼，鼓勵他們把辛酸變成力量。
說到做二打六的委屈，他表示不會介懷角色有否發揮，只要公司安排便會做，反而有朋友替他不值：「上年入咗劇做一個連戲角色，開工嘅時候發現個角色好似返到訓練班出嚟冇幾耐咁，呢一刻真係有一份心酸！好多同事朋友都問，點解呢個角色你會做？點解你唔推咗佢？點解捱咗咁多年仲要捱？呢份支持變咗我少少嘅壓力。」不過世豪很快便想通，認為人生總有高低起跌，更會再次遇到低潮，要衝破惟有努力面對，好的光景自然會出現。
場地：Neway