瑪姬滑雪跌完又仆「瘀」爆！

現時專注主持及司儀工作的瑪姬（Maggie）早前忙裏偷閒，一個月內先後到日本輕井澤及二世古滑雪。談到處女滑雪之旅，瑪姬坦言因準備不足而被迫搵朋友救命，又指在輕井澤的滑雪場四度跌倒：「嗰度啲雪比較硬，次次都撞到盆骨同一個位，有啲擔心會唔會影響第時生BB，好彩過咗兩日就冇乜點痛，事後諗番可能我Pat Pat夠肉！」除了跌親外，瑪姬上落交通工具又發軟蹄變「滾地瑪姬」，膝蓋瘀傷更長達一個月才散褪，幸好自己是個不認輸的人：「我好記得小學六年級考第四，本來好開心，但有個親戚話：『唓！得梗頸四，有本事考個第一嚟睇吓。』呢句話令我入晒腦，結果真係畀我考到第一返嚟！」