劉沛蘅一拖三愛犬變保鏢
有「翻版薛凱琪」之稱的模特兒劉沛蘅，自小對動物愛心爆棚，家中有三頭貴婦狗Baily、Choco和Woody，其中兩隻都是朋友棄養交託她飼養，恍如做了「狗狗保母」，她說：「Baily係我個好朋友屋企對貴婦狗生嘅狗BB，因為朋友屋企太多狗養唔到，最後我就攞咗Baily返嚟；而Woody係我表弟喺大陸領養嘅，佢後尾住宿舍養唔到，原本香港有個朋友話要，但遲遲唔攞狗，一路寄養喺我屋企，我覺得對方毫無責任感，唔放心交畀佢，決定自己養。」
她會鼓勵身邊朋友若想養狗便領養，不要買狗，早前她身體力行出席支持領養寵物的活動，更打算自拍短片，教人如何訓練犬隻：「Choco好聰明，一教就明，而且識護主，試過朋友扮打我，Choco會跑過嚟保護我咬對方，Baily亦有樣學樣，我想分享教寵物的心得。（揀男友係咪一定都要愛狗？）依家有拍拖，男友都鍾意狗，見佢打理啲狗時好細心。」
