JW儲歌上紅館唔急做12億少奶奶
王灝兒（JW）甫出道便被指與衛蘭「撞聲」，又被翻出多年前於歌唱比賽敗給鄧紫棋（G.E.M.），JW不諱言曾經不開心和委屈。不過，唱歌是她的最愛，直認恨上紅館，儘管去年被爆與「12億太子爺」Tarzan Ip拍拖，她也沒打算做少奶奶。
去年是JW豐收的一年，她直認恨上紅館，不擔心像吳業坤一樣遭受負評，她說：「嗰時有好多聲音，但最後佢嗰場都係滿嘅。最緊要有足夠準備，起碼要夠歌囉，我嚟緊一、兩年要儲多啲歌。」提到G.E.M.早於2011年舉行過紅館騷，JW強調從沒與對方比較，而且當年兩人參加的比賽不盡相同：「咁啱一個比賽輸畀佢，唔可以用一樣嘢衡量，始終佢入行早過我好多年，冇得咁樣計，大家行嘅路唔一樣。」
撐富二代男友勤力返工
面對工作上的不快，JW卻沒想過收山嫁人，她坦言：「我覺得唔係咁樣嘅關連，我依家做嘢係因為我鍾意唱歌，同我有冇男朋友，或者我男朋友背景冇扯上關係。」儘管戀情已曝光，JW仍然盡量避忌與封口，但說到當時被記者踢爆拍拖，她直認被嚇壞，幸好男友很支持她的工作。至於對方的負面報道隨之而來，JW忍不住幫口：「佢係好勤力做嘢嘅人，唔係好似大家咁講咩富二代，佢每日都好勤力，9點鐘就返公司，係一個好愛護屋企嘅人。」
文：音樂組
攝：黎志輝