鍾景輝八十大壽 朱茵感激：冇King Sir冇我
戲劇大師鍾景輝（King Sir）昨日筵開六十席迎接其八十大壽，學生黃秋生、朱茵、萬梓良、王祖藍及好友李添勝、陳寶珠、楊天經及太太吳文珊與黎耀祥等到賀，並為他準備「四條King」生日蛋糕，而吳孟達更錫了King Sir一啖！問King Sir有何生日願望？早前患大腸癌第一期的他即說：「最緊要係身體健康！」King Sir亦期待復工，透露將為話劇擔任導演。眾星更夾份送了一件簽滿名的「龍袍」給King Sir作為禮物。
身為學生的朱茵，笑言與King Sir有不少回憶點滴：「可以話冇King Sir就冇今日嘅朱茵，第一次坐飛機係佢帶隊，當年第一份合約係佢簽，因為我未夠18歲，要校長首肯先簽到份工作。」
而拖住老婆撐場的萬梓良，獲同場不少後輩稱為「大師兄」，他笑言：「我唔係真係大師兄，我係麗的藝訓班第二期學生，前面仲有好多無綫同演藝嘅藝訓班，佢哋先係大師兄，係大家客氣啫！」同場的秋生則表示：「演藝我先算係，萬子冇讀演藝，但要講第一代入室弟子，當然係Mo Sir（毛俊輝）。」
