龐景峰拍戲：難得對住老竇咁耐
郭秀雲兒子龐景峰前晚偕同藝人女友楊埕出席adidas 50th Anniversary of 3ST Tracksuits派對，同場還有「念慈奄妹」新進模特兒張敏潔。龐景峰透露即將上映的電影《生化藥師》，是他與父親錢小豪首次父子檔合作的電影：「我做年輕版錢小豪，第一次父子合作，雖然冇對手戲，但好難得大家拍戲時對住咁耐，佢教咗我好多嘢。（媽咪會唔會呷醋？）佢知道，值得拍。」
本身龐景峰是跆拳道「臨時」港隊代表，原定7月有機會代表香港出賽，但他5月要出埠宣傳新戲，4月又要去台灣跟奧運跆拳道老師學拳，因無時間練拳，故笑言出賽機會「抆水」。