張繼聰與謝安琪的寶貝女Karina出世，圈中好友連聲恭喜，Karina的兩位契爺麥浚龍（Juno）及白只都很開心，Juno表示因早知是B女，估計很多好友會送粉紅色衫仔，故他特別送上黑白系列的衫仔給契女：「阿Kay啱啱生完會好攰，等佢坐完月先去探佢。」而白只未知是否裝作不知情，竟說：「係咪真（口架）？冇收到通知喎，如果係就正，Louis（張繼聰）啲肌肉硬得滯，我嗰啲軟冧冧，要去抱吓契女，仲要陪阿姐坐月，衷心恭喜恭喜。」
而王祖藍、林盛斌（Bob）都戥阿聰一家四口幸福，Bob形容Karina是小天使，祖藍則深表羨慕：「添咗個『好』字，如果有能力就送產假畀阿聰，佢忙到冇假放。」而Kay生女前才與歌手許廷鏗、吳若希及化妝師聚餐，許廷鏗昨日搞笑地說：「嗰餐係催生飯局，因為嗰晚化妝師就生咗，今日就到阿Kay。」他在社交網再留言：「吳若希預產期未到，千祈唔好畀我催到！真心負擔不起。」
而跟阿聰忙拍新劇《誇世代》的田蕊妮，恭喜對方人生圓滿：「佢一早知今日（昨日），所以放假，明日（即今日）復工，我哋有同場戲。（唔怕佢攰？）又唔係佢生，OK嘅。」問她可會心急生B？她說：「唔心急。」她又嫌送利是太普通，打算送衫仔給BB女。