威廉準備利是奪鄭融「初吻」

歌手鄭融、台灣藝人廖威廉、麥子樂及唐貝詩等，昨日到荃灣出席奇妙電視劇集《100天》愛情系列開鏡拜神儀式，首次拍劇的鄭融笑言感覺很好玩，加上已有全劇劇本較易準備：「劇中我同威廉閃婚，我係愛自由嘅人妻。（親熱戲？）冇乜嘅，黃金時段播出。（你唔畀？）哈哈！係呀！不過劇本有場同威廉嘅Kiss戲，有少少緊張。（男友係外國人，應該唔介意？）介意呀！最好我咩都唔好做，但做演員就無可避免。（私有化等你唔使做？）OK，可以考慮吓！」至於威廉對於將奪鄭融的「初吻」，笑言已準備好利是，曾拍露股戲的他表示今次不會那麼誇張，怕嚇親媽媽觀眾。至於麥子樂在另一系列中被唐貝詩力追，他笑言現實也曾被女生追求，但想專心工作而拒愛。