今胎都係仔冇所謂 周汶錡誕7.8磅「光之父」

周汶錡昨日剖腹誕下細仔，取名Avner，意思是「Father of Light（光之父）」，法籍老公Julien表示BB「is a big boy」，重7.8磅，比哥哥Jacques出世時身長一點。而Kathy說：「細佬比較似爸爸！以為第2次生BB，有上次的經驗心情會輕鬆啲，但可能就係知道成個程序，反而比上次更緊張！我同老公都好開心為Jacques添咗弟弟，雖然今胎都係囝囝，但我同老公都冇所謂，兩兄弟可以一齊玩！身邊好多朋友都不停慫恿我追番個囡囡，一切順其自然！」

老公醫院陪過夜

Kathy仍感疲倦，昨日父母與老公陪伴生B，反而大仔仍未見過細佬。黃昏時分，Julien拿着西裝及日周品再到醫院，他稱在醫院過夜陪太太，又讚BB可愛似媽咪：「老婆好開心。（送咩獎勵？）Surprise！」另外，Kathy好友上山詩鈉第一時間到院探望。至於Kathy胞妹周麗淇身在內地拍戲，她接受電話訪問說：「非常開心！我又多一個小情人，原本諗住趕返嚟探佢哋，因拍攝進度問題而延期，返香港會第一時間去醫院探小情人同家姐。」

此外，堪輿學家陳子才分析Avner命格：「二兒子命格五行屬陽火，為太陽之火，性格陽光，熱情好動，在紫微斗數來說，命格算是入了百官朝拱格局，為貴格一種，代表領導力強，一生多逢良好機遇，長大後從商機會較大。小孩出生後對父母財運有正面影響。」問到Kathy會否有機會再追多一名女兒？陳子才說：「根據周汶錡夫婦二人之命盤推算，命中還是有機會有個女兒的，明年下半年（狗年）再懷孕，然後生出豬女的機會最高。」

文：名人組

攝：追蹤組