艾威搵人撐得不償失！反被搲贈券
藝人艾威及林熹瞳（Rachel）昨日到深水埗宣傳新片《我老婆未結婚》，大派宣傳單張及紀念品，男女老少爭住要。
沒有放棄理想
艾威難得在新片做男一，當然叫朋友力撐，他說：「我叫啲Friend支持，佢哋有啲掉轉頭問我攞贈券，咁咪即係我支持佢哋，而唔係佢哋支持我？今日本來想公開唱首《海闊天空》，其中嘅歌詞話：『多少次，迎着冷眼與嘲笑，從沒有放棄過心中的理想！』自問喺呢行頂到四十年，耐力唔錯，我今次係不到黃河心不死，人哋話跌低咗可以爬番起身，但我年紀唔細，若果今次票房失利，我未必企得住，希望大家多多支持！」
林熹瞳捱過窮
Rachel揚言繼續力撐艾威並力谷新片，她說：「我細個屋企窮，試過派傳單賺零用，係熟手技工，我會瞓身支持，用盡方法撐艾威，我見到其實好多人都識艾威，會要求同佢影合照，但到艾威落場跑，有啲人又會戴有色眼鏡，希望大家可以買票入場支持佢就最好！」
文：影視組