迪子踩界「萬能插」
歌手迪子將新歌《一蓮托生》拍成微電影參加「創+作」微電影比賽，片中不乏被半裸男主角胸壓床上及跟另一女主角親嘴等火辣鏡頭，更涉及頗敏感的宗教話題，迪子昨日受訪說：「我都擔心惹宗教人士不滿，因為戲中我係教徒，但搞不倫之戀。」問到分別跟男、女角親熱可尷尬？變「萬能插」的她說：「雖然同男主角第一次見就要親熱，但唔覺得尷尬，反而同女仔咀，我好怕醜。」
另外，她在《一》MV中爆乳演出後，竟被人問價，對方在Facebook問她是否擁「35E」上圍，可有興趣做內衣代言人，再問她會否拍AV及接受被包養，由5萬開始叫價至30萬。迪子說：「我細佬睇到就好嬲，但我覺得好好笑，呢啲嘢畀300萬我都唔會做，因佢太煩，最後block咗佢。」
