廖碧兒同秋生隊酒溝通

廖碧兒透露與新劇拍檔黃秋生開工摸酒杯底。

有份參演劇集《瑪嘉烈與大衛系列 前度》的廖碧兒，透露同時為奇妙台拍節目。碧兒在新劇中分別與影帝黃秋生及劉俊謙有感情線，首度與秋生結劇緣的她表示心情緊張，問秋生是否很惡？她說：「個樣係惡，但佢都有研究開酒。（有冇親熱戲？）冇嘅！佢好型、好man，鍾意飲威士忌，記得第一日開工，大家已經真飲，仲要一次過飲幾隻唔同年份嘅。」至於她與劉俊謙會玩姊弟戀，更不乏親熱鏡頭。

林雪做主持爆粗

而「文青女神」袁澧林將演出《前度》：「之前我有追《綠豆》，今次演呢個角色，會睇番原著本書，等角色原汁原味！」至於倪晨曦、黎紀君和梁諾妍則參演《全職媽媽放大假》，倪晨曦化身媽媽湊細路：「趕住出門口前，總會將小朋友啲褲掉轉着！」而梁諾妍則說：「我同個四歲大小朋友沖涼，仲幫佢洗底褲，我咁大個女都冇幫人洗過底褲㗎！」同場的藝人林雪首次擔任音樂節目主持，他介紹節目時眼見同台河國榮獲其他主持伴舞出場，但伴舞者專登搞笑企定定唔跳，令林雪不禁爆粗搞氣氛：「（佢哋）打X咗麻醉藥咁！」令全場爆笑。

此外，ViuTV去年蝕1.83億，製作部副總裁金廣誠說：「業績唔可以用作討論，做好本分，畀多啲選擇觀眾，我哋投資好多，舊年又開台，要一步步嚟，預計今年有15套劇集，去年公司都做咗39個實況娛樂，等同350小時，talk騷都做咗150小時。」

馬志威（左起）、袁澧林、廖碧兒、杜小喬及劉俊謙宣傳新節目。

梁諾妍（左起）、黎紀君及倪晨曦化身媽媽湊小朋友。