李居明開騷 軒仔教唱靚啲

李居明昨日宣布於五月佛誕日舉行一場音樂會，並邀請張敬軒、蓋鳴暉及薛家燕等好友擔任嘉賓。獲一眾好友力撐的李居明被問到嘉賓是否不收分文？他即表示以利是答謝：「利是一定有，個個都好客氣。」李居明又透露軒仔一早聽過他的歌喉，指他有進步空間：「軒仔聽過我唱歌，話其實可以唱得靚啲，我就話係業餘水準啫，所以佢會唱三首佛歌，蓋鳴暉就會唱《蝶海情僧》入面嘅歌。」

張敬軒	蓋鳴暉（右）與今個月生日的薛家燕將齊齊參與演出。

逾200首歌慢慢揀

李居明在廿年前於黃霑建議下，獻唱電影《大迷信》主題曲，因該曲受歡迎而推出首張唱片，此後每年出一張，至今已合共推出廿張唱片、參與過廿八套粵劇的曲目，唱過236首佛歌，他會從中挑選十五首於音樂會中獻唱。李居明又指鑑於嘉賓薛家燕乃教徒，故音樂會當晚會有另一方式演出。他續指《大迷信3》將於月中在日本開鏡，屆時也會將首兩集歌曲放入其中。

趁旺盡情發揮

薛家燕獲大會送上蛋糕預祝本月30日67歲生日，她透露去年已獲李居明贈言今年會大旺，故會把握機會發揮才能。問到她於李居明音樂會表演甚麼？她笑說：「都有啲頭痕，我係基督徒。所以到時會設計一個項目表演畀大家睇，係離不開唱歌，睇吓會唔會跳埋十字步。（生日願望？）想拍吓劇，都成兩年幾冇拍，但要睇公司時間，同埋教育方面想做多啲。」

文：影視組